Me 23 prill pritet të mbahen zgjedhjet në katër komunat veriore të vendin; Mitrovicë e Veriut, Zveçan, Leposaviq e Zubin Potok. Për Insajderin ka folur kandidati i Partisë Demokratike të Kosovë për kryetar të Zubin Potokut, Izmir Zeqiri.

Zeqiri është shprehur se janë duke punuar intenzivisht që qytetarët t’iu përgjigjen pozitivisht këtyre zgjedhjeve.

Duke folur për komunitetin serb në atë pjesë, u shpreh se nuk beson se do të ketë dalje në votime për shkak presionit që kanë.

“Jemi duke punuar intenzivisht që qytetarët të dalin në zgjedhje. Sa i përket komunitetit shqiptar në Komunën e Zubin Potokut besoj se do t’ju përgjigjet si gjithë herëve tjera do të dalin në zgjedhje kurse shumica serbe që banon në këtë komunë për mendimin tim besoj se do të ketë përgjigje të vogël në dalje ose fare për shkaqe se tanimë veç po shihet nëpër opinion se është një presion më i madh për qytetarët serbë si nga Lista Serbe si nga qeveria e Serbisë por edhe grupacionet tjera për mos me dalë qytetarët në zgjedhje. Edhe në qoftëse del dikush besoj se do të ketë përgjigje shumë e vogël e qytetarët për të dal në zgjedhje”, ka thënë ai për Insajderin.

I pyetur lidhur me situatën e sigurisë në Zubin Potok, ai u shpreh i kënaqur tha se ka patrullime të vazhdueshme.

“Për momentin gjendja është e qetë, normale siguria është në nivel të rëndësishëm në tërë komunën ka patrullime të vazhdueshme të Policisë së Kosovës e besoj pjesë tjetër e dinë më mirë edhe organet e sigurisë”, u shpreh Zeqiri.

Kundërkandidati i vetëm i Izmir Zeqiri është ai i Lëvizjes Vetëvendosje, Flatron Hasani, ai ka pohuar se nuk është takuar me të, por në qoftë se do të dalin fitues do ta urojë atë.

“Si kandidat në këtë komunë, kandidatin e LVV-së as që e kam pa, por kjo për mua nuk është problem hiç. Ne jemi në garë është mirë që jemi në garë, është mirë me pas shumë opsione në këtë rast kisha pasur dëshirë që jenë shumicë kandidaturash, t’i këmbejmë mendimet tona dhe plan programet tona. Mirëpo sa i përket rezultateve do ta shohim si do të dalin, besoj se do të pranohen këto zgjedhje për do ta shohim për mua nuk është problem kush del përpara, vetëm do t’ia urojë”, ka deklaruar kandidati për kryetar të Zubin Potokut nga radhët e PDK-së.

Kryeministri Albin Kurti, sot tha se zgjedhjet në veri të dielën do të mbahen, ngase ajo pjesë e vendit ka nevojë për legjitimitet demokratik dhe funksionimin e institucioneve sipas tij.

Madje ai tha se kanë kontakte të vazhdueshëm me institucionet ndërkombëtare të sigurisë dhe e po bëjnë përgatitjet e nevojshme që procesi të shkojë sipas planit.

/GazetaInsajderi