Pjesëtarët e Policisë së Kosovës sot para mesditës kanë rrethuar ndërtesat e komunës Zubin Potok, Zveçan dhe Leposaviq, pas së cilës kanë rënë sirenat, kështu kanë raportuar mediat serbe.

Sirenat e alarmit kanë rënë edhe në Mitrovicën e Veriut. Në Leposaviq nuk ka sinjal celular.

Serbët e atyre qyteteve, dukshëm të shqetësuar nga këto ngjarje, filluan të mblidhen rreth ndërtesave komunale, ndërsa në afërsi ndodhen pjesëtarët e KFOR-it dhe xhipat e EULEX-it, ka shkruar Kosovoonline, transmeton Gazeta Insajderi.