Kryetari i PDK-së, Memli Krasniqi ka pyetur kryeministrin Kurti pse nuk e ka dërguar kryetarin e Mitrovicës së Veriut që vije nga radhët e LVV-së në objektin e komunës, shkruan Insajderi.

Krasniqi ka insistuar se Atiq është dërguar në Lagjen e Boshnjakëve, në zyre dytësore.

“Pse spe qon Erden Atiqin në komunë, pse more po i rren të madh e të vogël. Po Erden Atiqi është në zyrën e Ardijana Hoxhiqit o zotni, qeveritë tona e kanë maru atë zyrë ndërlidhëse. Hajde merri për dore Xhelal Sveçlën me kaqkete, Elbert Kransiqin me pancir edhe ti e hajde të shkojmë te qojmë Erden Atiiqin në Mitrovicë të Veriut, qytet ku është komuna nuk është në mahall të Boshnjakëve as Qabër”.

“Ti Veriun e ke pa kur je shku me 40 policë të kanë dërgu ty e Vjosa Osmanin se ju nuk guxoni me shku aty”, tha tutje ai përcjell Insajderi.

Sipas tij propaganda e Kurtit nuk do ta rregullojë situatën në Veri.

“Për Oso Kukën leje ato pallavra, nuk është pezhorativ është faktike. Mos boni hajgare me institucione…Ti je kryeministër edhe duhet me u sill si i tillë…ky ka me u tërhek qysh u tërhek gjith. Neve ka me na mbet fatura me pagu”, deklaroi kryetari i PDK-së.

Tutje ai e pyeti kryeministri se si ndihet që i është ndalur të shkel në SHBA. /Insajderi