Kryetari i Partisë Demokratike të Kosovës, Memli Krasniqi, i ka replikuar Kryeministrit Kurti në debatin parlamentar.

Krasniqi e ka ftuar Kryeministrin që të zgjohet dhe të punoj sepse shkoj dita.

“Thojshit dita erdh. Dita shkoj, Kryeministër. Mbramja është duke ardhë. Ju ende nuk e keni filluar punën. Qu puno najsen. Dije që ora katër pasdite është, e ju ende asgjë nuk keni bërë”, ka thënë Krasniqi.

Krasniqi ka akuzuar përsëri Qeverinë dhe kryeministrin Albin Kurti për gjendjen aktuale dhe grevën në arsim, shkruan Insajderi.

Ai tha se Kurti ka synim t’i tregojë militantëve të tij se është kokëfortë dhe i panënshtruar.

“Është fundi i javës së pestë prej se nxënësit në vendin tonë nuk e  kanë fillu mësimin. Nuk duhet me kanë ekspert për me kuptu se çfarë dëmi iu është shkaktu atyre nga mos vazhdimi i mësimit. Kam kërkuar nga kryeministri ta trajtojë këtë çështje. Kryeminsitri ka zgjedh me u marrë me lavdi politike me ua dëshmu militantëve se se çka domethënë me qenë kokëfortë dhe i panënshtruar ndaj Rrahman Jasharajt dhe mësimdhënësve. Pra, për të nuk është me rëndësi dëmi, nuk janë me rëndësi nxënësit dhe mësimdhënësit, por me rëndësi ka qenë fundi”, tha Krasniqi.

Krasniqi tha se për Qeverinë Kurti arsimi është instrument politik.

“Për Qeverinë, arsimi nuk është mision kombëtar, por instrument politik”, shtoi Krasniqi.