Në ditën e dytë të vizitës zyrtare në Bruksel, kryetari i PDK-së Memli Krasniqi, ka takuar eurodeputeten nga Suedia, Abir Al-Sahlani, e cila nxiti një valë të fuqishme reagimesh mbështetëse, duke tërhequr vëmendjen e të gjithë botës pasi preu flokët e saj gjatë seancës në Parlamentin Evropian.

“Në një takim frymëzues që kisha sot me të në Bruksel, diskutuam për nevojën e fuqizimit të grave në politikë dhe në vendimmarrje, me ç’rast e njoftova me vizionin e PDK-së për përfaqësim të barabartë gjinor, 50/50, në të gjitha strukturat e partisë”, ka shkruar ai.

Ai tha se e ka njoftuar se PDK-ja ka vizion përfaqësim të barabartë gjinor, 50/50, në të gjitha strukturat e partisë.

Postimi i plotë i Krasniqit

Duke prerë flokët e saj gjatë seancës së Parlamentit Evropian, në mbështetje të protestave anti-qeveritare në Iran, eurodeputetja nga Suedia, Abir Al-Sahlani, nxiti një valë të fuqishme reagimesh mbështetëse, duke tërhequr vëmendjen e të gjithë botës.

Në një takim frymëzues që kisha sot me të në Bruksel, diskutuam për nevojën e fuqizimit të grave në politikë dhe në vendimmarrje, me ç’rast e njoftova me vizionin e PDK-së për përfaqësim të barabartë gjinor, 50/50, në të gjitha strukturat e partisë.

Duke e përgëzuar për punën e saj të palodhshme dhe konsistente në mbrojtje të kauzave të rëndësishme, eurodeputeten Al-Sahlani e falënderova edhe për mbështetjen e saj për aspiratën e PDK-së për anëtarësim në ALDE. Poashtu, e inkurajova që të vazhdojë aktivizmin e saj politik në mbështetje të grave iraniane dhe për fuqizimin e barazisë gjinore kudo në botë.

#WomenLifeFreedom #GraJetëLiri