Kryeministri i Kosovës, Albin Kurti ka qëndruar për vizitë në Maqedoninë e Veriut, ku ka vizituar disa fshatra të komunës së Tetovës. Ndërsa ishte organizuar edhe një koncert në këtë komunë për të.

E nisur nga gjithë kjo duket se deputeti i VV-së, Arber Rexhaj është entuziazmuar. Në orët e vona ai e ka shpallur lider të gjithë shqiptarëve Kurtin.

“Lider i të gjithë shqiptarëve, Albin Kurti. Maqedoni e Veriut, Tetovë”, shkroi ai në Facebok.

Kujtojmë se në koncerti në Tetovë për nder të Kurtit u përcoll me një incident pasi stafi i sigurimit kishte ndaluar një qytetar i cili siç raportohet është përpjekur t’i afrohet kryeministrit Kurti.

Pas pengimit nga sigurimi, i njëjti kishte rezistuar me çka kishte sjellë eskalimin e situatës.