Minatorët e Minierës po vazhdojnë grevën që nga dita e djeshme. Ata kërkojnë realizimin e pagës mujore, shkarkimin e kryeshefit dhe sigurime shëndetësore e kushte të punës.

Ndërsa, gjendja shëndetësore e disa minatorëve është duke u rënduar.

Bëhet e ditur se një minator ka kërkuar ndihmë mjekësore pasi nuk është ndjerë mirë.

Përpos praktikantëve, ndërmarrja “Trepça” për muajin shtator u ka mbetur borxh minatorëve më shumë se gjysmën e pagës bazë.

Një lexues i Gazetës Insajderi ka dërguar një video ku shihen disa minator, ku sipas tij minatorët me mjete vetanake vullnetarisht kanë dërguar ujë dhe ushqime për kolegët e tyre të ngujuar 800 metra nën tokë.