Nënkryetarja e PDK-së, Vlora Çitaku ka reaguar pasi ministri i Kulturës, Hajrulla Çeku shkroi për “dyfytyrësi të thellë” nga opozita rreth Asociacionit të komunave me shumicë serbe.
Çeku tha se opozita po e kritikon pushtetin për pranimin e Asociacionit, të cilin “dy herë dhe e ratifikuan në Kuvend”.
Deklaratën e ministrit, Çitaku e quajti të turpshme, derisa tha se kritika është për dhunën, bombat, sharjet, lotesjellesin.
“Ministri i Kulturës thotë se opozita qenka dyftyrëshe që po e kritikon pushtetin pas pranimit të asociacionin. Kritika është për dhunën, bombat, sharjet, lotesjellesin, vitet e humbura, dhe vdekjet që u shkaktuan nga kundërshtimi i nje marreveshje, të cilën sot VV e pranon në një version shumë më të dobët. Turp”, shkroi Çitaku në Facebook.