Ministrja e Jashtme e Gjermanisë, Annalena Baerbock i ka bërë thirrje Serbisë që të reduktojë numrin e trupave në kufi me Kosovën, përcjell Reporteri.net.
Këtë deklaratë Baerbock e bëri sot në takimin e posaçëm të ministrave të jashtëm të BE-së në Kiev.
“Trupat në kufi duhet të reduktohen nga Serbia”, tha Baerbock në margjinat e një takimi të posaçëm të ministrave të jashtëm të BE-së në Kiev të hënën.
Ndërkohë, përfaqësuesit e SPD, të Gjelbërve dhe FDP-së u shprehën në favor të një pranie të shtuar të Bundeswehr-it në forcën paqeruajtëse të KFOR-it të udhëhequr nga NATO në Kosovë.
Baerbock tha se nuk duhet të ketë “tensione të mëtejshme midis Serbisë dhe Kosovës ”.
Zvogëlimi i numrit të ushtarëve serbë në kufi është “gjithashtu apeli urgjent këtu sot nga takimi ynë i përbashkët në Kiev”, theksoi ajo në takimin e ministrave të jashtëm.