Kryetari i Partisë Socialdemokrate të Kosovës, Dardan Molliqaj, ka kritkuar ashpër kryetarin e Lëvizjes Vetëvendosje, Albin Kurti, për qëndrimin e tij të ri për bashkim të Kosovës me Shqipërinë.
Kurti nga Lexha tha se Kushtetuta e ndalon bashkimin e Kosovës me një shtet tjetër, prandaj edhe nuk mund ta ndryshojnë aktin me të lartë juridik në vend.
Molliqaj ka thënë se me këto deklarata, Kurti është shprehur i hapur me Serbinë e i mbyllur ndaj Shqipërisë.
Statusi i plotë i Molliqajt:
I HAPUR NDAJ SERBISË, I MBYLLUR NDAJ SHQIPËRISË
Albin Kurti nuk i thotë jo Lajçakut për ndryshime kushtetuese për Asociacionin e Komunave me shumicë Serbe.
Albin Kurti i thotë jo ndryshimeve kushtetuese për bashkimin e Kosovës me Shqipërinë.
Kur i tradhëton bindjet dhe vlerat, ndryshimi i qëndrimeve bëhet vetëm çështje kohe. /Insajderi.org