Partia Socialdemokrate ka zhvilluar një aksion simbolik para qeverisë së Kosovës.

Aktivistë të kësaj partie kanë zëvendësuar flamurin e Kosovës me një improvizim të një flamuri me dy yje dhe një pjesë e territorit me ngjyrë të bardhë, raporton Insajderi.

Dardan Molliqaj, kryetar i kësaj partie tha se drafti i Asociacionit i pranuar nga kryeministri Albin Kurti dhe presidenti serb, Aleksandar Vuçiq në thelb e zhbën 17 shkurtin.

“E zhbën Republikën si koncept, e zhdukë edhe simbolikën e yjeve. Nga sot edhe flamuri i Kosovës nuk mund të jetë i njëjti. Nga sot flamuri i Kosovës i ka vetëm dy yje. Kemi themeluar një konfederatë të brendshme mes shqiptarëve dhe serbëve, pa pajtimin qytetar. Aksionet tona do të përshkallëzohen, do të kemi edhe protesta”, ka thënë ai. /Insajderi.org