Prishtina Weather ka njoftuar se në ditët e fundit të tetorit do të jetë mot kryesisht me diell dhe më ngrohtë, ndërsa nëntori fillon me periudha me shi dhe ulje temperaturash.

Moti për pesë ditët në vijim:

29.10.2023 – Mot stabil, kryesisht me diell dhe i ngrohtë mbetet edhe në dy ditët e fundit të tetorit, megjithëse të martën, ditën vransirat pritet të shtohen e krejt në mbrëmje parashihen edhe të reshura shiu.  Orëve të mëngjesit nëpër ultësira formohen kushte edhe për mjegull.

Nëntori fillon me mot të ndryshueshëm, e mundësi për të reshura shiu, që shprehen më shumë të enjten orëve të mëngjesit por edhe të premtën mbrëma.  Patjetër që nuk do të mungojnë edhe intervale me diell.

Temperaturat maksimale fillimisht mbeten të rritura deri në 22C e 23C, e nga dita e mërkurë  zbresin në 17C e 18C.  Minimalet të hënën mjaft të ulëta, 5C e më pas luhaten ndërmjet 7C e 10C.

Indeksi i cilësisë së ajrit kryesisht do jetë në vlera të pranueshme, por herë pas here do të ketë rritje të ndotësve ajror që çojnë vlerat e çastit edhe të dobëta.

30.10 – Pas mëngjesit të ftohtë, me mundësi edhe për mjegull në ultësira, ditën do të mbajë mot i kthjellët dhe më i ngrohtë.

31.10 – Intervale me diell paradite.  Vransirat shtohen gjatë ditës, e më vonë në mbrëmje, priten mundësi për reshje lokale shiu të shoqëruara edhe me ndonjë bubullimë.

1.11 – Vransira të ndryshueshme dhe intervale me diell.  Kohëpaskohe mundësi për riga lokale shiu

2.11 – Të reshura shiu orëve të mëngjesit, e gjatë ditës intervale me diell.

3.11 – Vransira e erë, me intervale me diell.  Gjatë mbrëmjes priten të reshura shiu.

Era frynë kryesisht nga krahu jugor, e lehtë dhe mesatare 3-9m/s, të premten nga juglindja me hove deri në 15m/s.

Shtypja atmosferike fillimisht e rritur, më pas në pjesën e dytë të javës zbret edhe thellën nën normale.