Jose Mourinho ka konfirmuar transferimin e mesfushorit portugez Sergio Oliveira. Mesfushori portugez do të jetë transferimi i dytë brenda pak ditësh për AS Romën, pas anglezit Niles nga Arsenali, shkruan Insporti.com.

Pas humbjes nga Juventusi, Jose Mourinho në konferencë për shtyp Mouriho deklaroi se në Romë do të vjen një mesfushor fizik dhe me personalitet të fortë.

“Do të vijë një futbollist me fizik, me personalitet, i përshtatshëm dhe që ka përgjegjësi”, tha Mourinho duke aluduar në Sergio Oliveiran e Portos.

Edhe drejtori sportiv Thiago Pinto konfirmoi para ndeshjes se marrëveshja është arritur dhe do të kompletohet gjithçka brenda këtyre dy ditëve.

Dy klubet kanë arritur marrëveshje për huazimin e Oliveiras te Roma pë 1,5 milionë euro me Giallorosët që kanë të drejtë blerjen e tij në fund të sezonit për 13 milionë euro të tjera. /Insporti.com/