Ministria e Punëve të Jashtme gjermane në rrjetin social “X” ka njoftuar se temë kryesore e takimit me kryeministrin Albin Kurti, ka qenë anëtarësimi i Kosovës në Këshillin e Evropës.

Siç thuhet në njoftim, Baerbock dhe Kurti kanë diskutuar për hapat e ardhshëm në rrugën e Kosovës drejt anëtarësimit në Këshillin e Evropës.

“Pak më pak se tri javë deri në takimin e Komitetit të Ministrave të Këshillit të Evropës në Strasburg. Baerbock foli me Albin Kurtin në margjinat e konferencës së Petersberg-ut se cilat hapa janë të rëndësishëm tani, nëse Kosova dëshiron t’i hapë rrugën anëtarësimin në Këshillin e Evropës”, ​​thuhet në njoftimin e Ministrisë.