Ministria e Punëve të Jashtme dhe Diasporës e Republikës së Kosovës u ka bërë thirrje qytetarëve që të shmangin kalimin nëpërmjet Serbisë, shkruan Insajderi.

Kjo kërkesë vijë pas situatës së krijuar tash e ca ditë në veri të vendit.

Ministria ka konfirmuar se ka pranuar informacion për arrestimin e disa qytetarëve në territorin e Serbisë.

“MPJD, gjatë ditës ka pranuar raportime për arrestime të qytetarëve të Republikës së Kosovës nga autoritetet serbe përgjatë kalimit të tyre nëpër Serbi, dhe po merret nga afër me rastet nëpërmjet Zyrës Ndërlidhëse në Beograd“, thuhet në njoftim.

“Marrë parasysh zhvillimet e fundit, dhe duke e njohur qasjen jo korrekte të autoriteteve serbe, me qëllim të shmangies të çfarëdo incidenti, MPJD fton qytetarët që të përdorin rrugë alternative për udhëtim”, deklarojnë nga MPJD.