×
  • Kulturë
  • Show / Kulturë

    ​Muaji i kinematografisë, mirënjohje të gjithë aktorëve

    Insajderi
    12 July 2022 - 11:13
    Klikoni Këtu për t'u bërë pjesë e kanalit të Insajderit në Youtube.

    Me filmin “Nusja dhe shtetrrethimi”, prodhim i vitit 1978, ministrja e Kulturës, Elva Margariti, u shpreh mirënjohje të gjithë aktorëve të kinematografisë shqiptare, të cilët, siç sipas saj, dhanë më të mirën në kushte të jashtëzakonshme.

    Filmi “Nusja dhe shtetrrethimi” mban firmën e 2 regjisorëve, Ibrahim Muçaj e Kristaq Mitro. Skenari është vepër e Helena Kadare ndërsa muzika, e të madhit Kujtim Laro.

    Për rolet kryesore regjisorët kishin përzgjedhur Rajmonda Bulkun, Kastriot Çaushin, Sotiraq Bratkon e të tjerë, por vlen të veçohet aktrimi i Llazi Serbos, në rolin e oficerit gjerman.

    Filmi tregon për Shpresën, që shkon në një shtëpi bashkëpunëtorësh të fashizmit për të shitur qëndisma dhe kryen një atentat të rëndësishëm. Pas kësaj i duhet të dalë në ilegalitet e veshur si nuse. Për këtë ajo ndihmohet nga shokët me të cilët ka bashkëpunuar për atentatin. E veshur si nuse, Shpresa shpëton nga shtetrrethim.

    12 filma mbajnë vulën e dy autorësisë regjisoriale Ibrahim Muçaj dhe Kristaq Mitro. Një bashkëpunim i pashoq në kinematografinë shqiptare, por diçka shumë e rrallë edhe në arenën ndërkombëtare, që 2 krijues të bashkëpunojnë kaq gjatë.

    Ashtu si krijuesit edhe aktorët gjithnjë janë shprehur se kanë bërë të pamundurën për t’i shpëtuar indoktrinimit të periudhës diktatoriale, në Shqipëri./ATSH

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark