Sulmuesi i Kosovës Vedat Muriqi tashmë ka vendosur për të ardhmen e tij.

Ai do të jetë futbollist i ri i skuadrës belge Club Brugge.

Muriqi ka folur për mediat turke para fluturimit për Belgjikë duke konfirmuar se po i bashkohet skuadrës belge.

“Në fakt nuk i rrit pritshmëritë, këtë e bëjmë profesionalisht, është nder të jem aq shumë i kërkuar në një vend, të jesh futbollisti më i shtrenjtë në historinë e një klubi. Unë i zgjedh fjalët sepse është ende jo zyrtare”, u shpreh sulmuesi kosovar.

Ai tha se shpreson të luftojë si Vedat Muriqi kudo që të shkojë.

“Nuk është e qartë se çfarë do të ndodhë. Fati qoftë me ne, shpresoj të vazhdoj të luftoj si Vedat Muriqi në çdo ekip ku shkoj, duke bërë gjëra të mira në një hap tjetër në karrierën time”, u shpreh ai.

Muriqi foli edhe për periudhën e kaluar te Mallorca.

“Kam pasur një pjesë të dytë të mirë në Mallorca, performanca ime ishte e mirë. Ka pasur disa oferta nga atje, kështu që ne kërkuam kontratën më të përshtatshme”, u shpreh sulmuesi shtatlartë.