Akademiku, Isa Mustafa në prononcim për Gazetën Insajderi ka konfirmuar se Mehmet Kraja do të vazhdojë të jetë kryetari i Akademisë së Shkencave dhe Arteve të Kosovës.

Sipas raportimeve, Kraja në mbledhjen e sotme të ASHAK-ut ka kërkuar falje lidhur me analizën “Synimet destabilizuese në Kosovë dhe në Ballkanin Perëndimor”, që e kishte publikuar në emër të akademisë, e që nuk e kishte pëlqimin e të gjithëve.

Mustafa tha se deri tek ky vendim pati shumë diskutime.

“Z Kraja pas shumë diskutimeve u arrit pajtimi të vazhdojë në pozitën e Kryetarit të ASHAK. Përkushtimi do të jetë në bashkëpunimin më të ngushtë dhe në implementimin e programit të Akademisë”, deklaroi akademiku Mustafa.