Mbi 11 mijë kilogramë pemë të ndryshme dyshohet se ka tentuar t’i kontrabandojë një serb nga Serbia në Kosovë.

Sipas Policisë së Kosovës, i dyshuari nuk ka pasur dokumentacion, derisa ai po ashtu dyshohet për kalim të paautorizuar të kufirit.

Pemët të cilat dyshohet se i ka kontrabanduar janë:

Pjeshkë 4 mijë e 200 kilogramë
Nektarinë 3 mijë e 500 kilogramë
Dardhë 1 mijë e 650 kilogramë
Kumbull 1 mijë e 450 kilogramë dhe
Kajsi 800 kilogramë

Të gjitha këto bashkë bëjnë 11 mijë e 600 kilogramë.

Sipas Policisë “Pas përfundimit të procedurave, me autorizim të prokurorit kompetent, i dyshuari lirohet në procedurë të rregullt, kurse kamioni është sekuestruar dhe është​ dorëzuar në terminalin doganor në Mitrovicë”.