Java e parafundit e edicionit, ajo e 35-ta vazhdon në fundjavën e ardhshme në Superligën e Kosovës në futboll.

Vëmendja kryesore do të jetë në takimet e skuadrave që po luftojnë me “mish dhe shpirt” për t’iu shmangur zonës që dërgon në barazh.

Dukagjinin e pret sfidë jo edhe e lehtë në Klinë, ngase luan me Llapin e Tahir Batatinës.

Malisheva në anën tjetër udhëton te Gjilani, Drenica e pret Ballkanin në Skenderaj.

Në program është edhe derbi mes rivalëve të vjetër të futbollit të Kosovës mes Prishtinës dhe Dritës.

Çiftet e plota:

Prishtina – Drita

Drenica – Ballkani

Gjilani – Malisheva

Ulpiana – Feronikeli

Dukagjini – Llapi.