Komuna e Prishtinës ka njoftuar se pas rënies së çatisë së objektit të ri të komunës, nesër, e premte nuk do të punohet, shkruan Insajderi.

Deri tek ky vendim komuna njofton se ka ardhë pas konstatimit të Drejtorisë për Siguri dhe Emergjenca.

Sipas tyre kjo po bëhet për shkaqe sigurie.

“Me konstatim të Drejtorisë për Siguri dhe Emergjenca të Kryeqytetit, ju njoftojmë se nesër nuk do të punohet në objektin e komunës e cila gjendet në lagjen “Arbëria”. Ky vendim është marr për shkak të sigurisë së qytetarëve dhe me qëllim të sanimit të infrastrukturës së kulmit të objektit“, thuhet në njoftimin e komunës.