Ka nisur të mbahet seanca e jashtëzakonshme në Këshillin e Sigurimit së Kombeve të Bashkuara. Seancë kjo e thirrur me kërkesë të Serbisë.

Palët, kryeministri i vendit, Albin Kurti e presidenti i Serbisë janë ulur përballë njëri tjetrit.

Kjo seanca po mbahet pas vendimeve të Kosovës për ndalimin e dinarit serb dhe mbylljen e komunave paralele serbe javët e fundit.

Në kërkesën e dorëzuar, Serbia e përshkroi si të jashtëligjshëm vendimin e Kosovës për të ndaluar përdorimin e dinarit serb për pagesa me para të gatshme, duke vlerësuar se ai është “vazhdimësi e masave të dhunës brutale fizike dhe institucionale ndaj serbëve”, dhe sipas Beogradit, qëllimi është “spastrimi etnik dhe zhdukja e popullatës serbe”.

Fillimisht fjalën e mori shefja e UNMIK-ut, Caroline Ziadeh e cila ka thënë se “pa marrë parasysh ligjshmërisë dhe arsyetimit, veprimet duhet të merren duke marrë parasysh ndikimin te popullata e prekur”.

Ajo ka akuzuar Kosovën se me vendimin e Bankës Qendrore për ndalimin e dinarit nuk është vepruar për sh’tensionim.

Ziadeh ka përmendur marrëveshjet e arritura vitin e shkuar, ndërsa ka thënë se megjithatë ka pasur ngecje të progresit në marrëveshjen për sekuencim.

Ajo nuk la pa e përmendur edhe sulmin në Banjskë të cilin e ka cilësuar “incident tejet serioz”.

Pas pak fjalën pritet ta marrin Kurti e Vuçiqi.

/Insajderi