Lidhja Demokratike e Kosovës, dega në Suharekë – ka nisur sot peticion për vendosjen e përmendores së Dr. Ibrahim Rugovës në sheshin e qytetit i cili mban po këtë emër.

Siç bëhet e ditur në njoftimin që është bërë në faqen zyrtare të “LDK Suharekë”, shumë qytetarë kanë nënshkruar këtë peticion.

Kujtojmë se para se të merret vendimi për organizimin e këtij peticionit, LDK dega në Suharekë kishte bërë dy përpjekje për inicimin e procedurave për vendosjen e shtatorës së presidentit Dr. Ibrahim Rugova përmes kuvendarëve të saj, por që të dyja iniciativat hasen në vesh të shurdhët nga koalicioni AAK-PDK.