Në orët e para të së hënës një asteroid ka shpërthyer mbi Kanalin Anglez pasi hyri në atmosferën e Tokës.
Asteroidi i quajtur Sar2667, që ra në tokë u pa në Anglinë jugore, Uells dhe Francën veriore.
Astrofotografi amator, Tom Williams postoi në Twitter emocionet e tij pasi pa asteroidin duke shpërthyer.
“Madhësia e objektit është rreth 1 metër dhe duhet të duket aq e ndritshme sa Hëna për momentin kur hyn në atmosferë“, shkroi ai.
Fizikani dhe specialisti amerikan i shpërthimit ajror, Mark Boslough tha se ishte vetëm hera e shtatë në histori që një shpërthim ajri ishte zbuluar paraprakisht.
“Shpërthimet ajrore të kësaj madhësie ndodhin diku disa herë në vit… [por ato] rrallë zbulohen paraprakisht”, tha ai për Wales Online.