Doktoresha e QKUK-së, Dafina Krasniqi ka vendosur që edhe këtë vit, t’i bëjë të lumtur fëmijët në repartin e Pediatrisë.

Krasniqi përmes një shkrimi në Facebook, ka shkruar se sot së bashku me dy maskotat dhe organizimin tim qëndruam tek fëmijët e repartit hemato-onkologjik Pediatri.

“Ne ndoshta nuk mund t’ua zgjidhim dot hallet por ama mundohemi t’ua lehtësojmë disi dhimbjen dhe t’u sjellim buzëqeshjen për t’i bërë të kuptojnë se në këtë betejë NUK janë vetëm”, ka shkruar ajo duke shtuar se “besoj se dashuria njerëzore që është më e madhja. Ata sot nuk u ndjenë të vetmuar! Dikush ju trokiti në derë!”.