Kuvendi i Kosovës ne seancën e sotme plenare nuk ka arritur që në lexim të dytë ta miratojë Projektligjin për deklarimin, prejardhjen dhe kontrollin e pasurisë dhe të dhuratave.

Kjo pasi për votimin e këtij projektligji nuk pati kuorum.

“59 deputetë kanë marrë pjesë në këtë votim, nuk ka kuorum për këtë Projektligj”, tha kryetari i Kuvendit, Konjufca.

Ky projektligj solli debate në kuvend mes pozitës dhe opozitës, të cilët kërkuan që ky projektligj të kalohet në lexim të tretë.

Ministrja e Drejtësisë, Albulena Haxhiu, i bëri thirrje që Projektligji për deklarimin, prejardhjen dhe kontrollin e pasurisë dhe të dhuratave të mos dërgohet në lexim të tretë, por të kalojë në leximin e dytë.