Drejtori i Gazetës Insajderi, Parim Olluri ka komentuar takimin e sotëm mes kryetarit të Prishtinës, Përparim Rama dhe ish-ministrit të mbrojtjes, Armend Mehajt, ku Rama i dhuroi çelësin e kryeqytetit Mehajt.

Olluri i ka cilësuar të dy si hajgarexhinjë që sipas tij po abuzojnë me të mirat publike.

“Nje hajgarexhi qe jeton ne Londer ia jep çelesin e Prishtines nje hajgarexhiu qe jeton ne Oslo. Ky eshte abuzim i te mirave publike”, ka shkruar ai.

Ai ka shtuar se sjellja e tyre është demotivuese për qytetarët.

“Kjo eshte demotivuese per njerezit qe punojne hakikat per Kosoven. Iu jepet pergjigje e qarte: Nuk ia vlen qe te punohet per Kosoven. Eshte nxitje e njerezve per te ikur jashte Kosoves. Xhamajke, Xhamajke… e ku te munden”.