Drejtoria për Hetimin e Krimit të Organizuar nga Departamenti i Krimeve të Rënda, në bashkëpunim me Prokurorinë Themelore – Prishtinë, ka zhvilluar një operacion policor në dy lokacione të ndryshme nën dyshimin e bazuar se janë kryer veprat penale ‘Fajde’ dhe ‘Detyrim’.
“Me datë 04.10.2023 DHKOKR ka zbatuar urdhëresën e gjykatës kompetente, me ç’rast në Prishtinë dhe Lipjan është zhvilluar operacioni policor gjatë të cilit janë sekuestruar në cilësi të provave materiale: Një revole, tre telefona mobil, një automjet, 915 euro, shënime/ evidenca që dyshohet se ndërlidhen me veprat e lartcekura”, njofton policia.
Pas arrestimit, dy personat e dyshuar me iniciale L.A. dhe S.A. janë intervistuar dhe me vendim të prokurorit janë dërguar në mbajtje për 48 orë.