Presidentja, Vjosa Osmani në një intervistë për mediumin katalonas “El Periodico” mes tjerash ka folur edhe për mos njohjen e pavarësisë së Kosovës nga pesë vendet anëtare të Bashkimit Evropian.
Ajo ka thënë se është çështje kohe që disa prej këtyre shteteve zyrtarisht ta njohin shtetësinë e Kosovës.
“Sa i përket pesë vendeve që nuk e kanë njohur Kosovën, besoj se jemi në rrugën e duhur dhe do të gjendet një zgjidhje. Pavarësia e Kosovës është një fakt i pakthyeshëm, kështu që ne jemi këtu për të vazhduar të jemi shtet i pavarur dhe sovran, është vetëm çështje kohe se sa shpejt disa vende e zyrtarizojnë vendimin e tyre për të na njohur”, ka deklaruar Osmani.