Sot është shënuar dita e personave të Zhdukur me Dhunë në Luftë.

Në këtë ditë, presidentja, Vjosa Osmani ka kujtuar rreth 1 mijë e 600 persona që vazhdojnë të jenë të zhdukur, shumë prej tyre fëmijë që iu morën nënave nga djepi.

Osmani ka thënë se Serbia vazhdon të fle mbi varreza masive dhe refuzon t’i hapë arkivat ku gjenden informacionet për kosovarët e zhdukur.

“Rreth 1600 te zhdukur me dhunë akoma na mungojnë. Shumë prej tyre fëmijë që ua morën nënave nga djepi.Serbia akoma fle mbi varreza masive e refuzon t’i hapë arkivat ku gjinden informatat për më të dashurit tanë.Por e vërteta dhe drejtësia do të triumfojnë sërish!”, ka shkruar presidentja.