Presidentja, Vjosa Osmani ka njoftuar se është takuar me ambasadorët e vendeve të QUINT-it.
Osmani ka bërë të ditur se së bashku kanë diskutuar për dialogun Kosovë-Serbi.
“Diskutuam zhvillimet në lidhje me dialogun Kosovë – Serbi, sukseset e Kosovës në forcimin e demokracisë dhe përpjekjet tona të përbashkëta për paqe dhe siguri të qëndrueshme në kontinentin tonë”, thuhet në postimin e Osmani.
Tutje, ajo ka falënderuar edhe ambasadorin e SHBA-ve, Michael Carpenter për ftesën për t’u takuar me përfaqësuesit e QUINT-it dhe BE-së në Organizatën për Siguri dhe Bashkëpunim në Evropë.