Presidentja e vendit, Vjosa Osmani, ka shpërndarë fotografi nga Samiti i Frankofonisë, ku morën pjesë 88 liderë të vendeve pjesëmarrëse të këtij samiti.

Osmani, gjatë pjesëmarrjes në këtë samit u pa të ketë takuar edhe presidentin e Francës, Emmanuel Macron.

Samiti i Frankofonisë ka mbledhur krerët e shteteve anëtare dhe anëtarëve të asociuar të Organizatës Ndërkombëtare të Frankofonisë për të diskutuar mbi sfidat e përbashkëta politike dhe ekonomike, forcimin e bashkëpunimit frankofon, avancimin e të drejtave të njeriut, arsimit, kulturës dhe demokracisë.

Kosova është anëtare e asociuar e Organizatës së Frankofonisë nga viti 2018.