Sot, në Kuvendin e Kosovës është mbajtur seanca kushtuar Epopesë së Ushtrisë Çlirimtare të Kosovës, në të cilën kanë marrë pjesë edhe përfaqësuesi i familjes Jashari, Rifat Jasahri dhe presidentja, Vjosa Osmani.

Në fjalimin e saj, Osmani në mes të tjerash ka deklaruar se historia nuk duhet harruar pasi që mund të na çojë në përsëritjen e saj.

“Nuk thuhet kot se popujt që harrojnë historinë e tyre rrezikojnë t’i nënshtrohen përsëritjes së saj. Prandaj, ne duhet e do ta mbajmë të gjallë kujtesën për sakrificën e familjes Jashari dhe për të gjithë luftën e UÇK-së. Ne duhet ta ruajmë histrorinë e kësaj familje të prirë nga komandanti legjendar, Adem Jashari, dhe sakrificën e një populli të tërë, si pjesën më të dhimbshme. Ngase, duke i kujtuar ata, ne e shtresojmë kujtimin tonë për vetvetën”, ka thënë presidentja, Vjosa Osmani.