Në kuadër të kontrollit të pesë lokacioneve në tri komuna që me urdhër të gjykatës kompetente po kontrollohen nga Policia e Kosovës në praninë e prokurorit të rastit dhe EULEX-it, është bastisur edhe Qendra spitalore në Mitrovicën e Veriut.

Janë publikuar pamje edhe nga bastisjet në Spitalin e Mitrovicës Veriore nga ana e Policisë së Kosovës.

Bastisje pati edhe në restorantin e gruas së Milan Radojiciqit, njeriut kryesor që dyshohet se ka udhëhequr grupin terrorist që sulmuan të dielën policinë e Kosovës.