Ndeshja kualifikuese e Kupës së Botës Conmebol Brazil – Argjentinë në stadiumin Maracana mbrëmë u vonua me pothuajse 30 minuta pas përplasjeve mes policisë dhe tifozëve në tribuna.

Vendasit dhe tifozët argjentinas filluan të grindeshin gjatë intonimit të himneve kombëtare, duke bërë që policia braziliane të godiste me shkopinj kontingjentin vizitues. Tifozët u përgjigjën duke shqyer dhe hedhur sediljet drejt oficerëve, raporton ESPN.

Tifozët panikuan dhe dolën në fushë për t’u shpëtuar luftimeve. Të paktën një tifoz i plagosur është nxjerrë nga stadiumi me barelë.

Lojtarët e Argjentinës u kërkuan atyre që ishin në tribunë për qetësi përpara se Lionel Messi t’i kthente bashkëlojtarët në dhomën e zhveshjes.

Portieri argjentinas Emiliano Martínez vrapoi në një nga shinat para tifozëve të ekipit të tij për t’i kërkuar policisë që të ndalonte dhunën.

Argjentina u tha rivalëve të saj brazilianë se do të ktheheshin në fushë vetëm pasi situata të ishte e qetë.

Ata u kthyen pas 22 minutash në dhomën e zhveshjes dhe u ngrohën edhe për tre minuta të tjera para se të fillonte ndeshja.

“Ne vendosëm të largoheshim nga fusha sepse ishte e pamundur të luanim në ato kushte. Dhe gjithashtu menduam se kthimi në dhomat e zhveshjes mund të ndihmonte për të qetësuar situatën”, tha Messi pas përfundimit të ndeshjes.

Me fillimin e ndeshjes, dhjetëra policë rrethuan tifozët e Argjentinës teksa brohoritnin.

Ndeshja përfundoi me rezultat 0-1, me gol të Nicolas Otamendi.