Papa Françesku është shtrirë sërish sot në një spital në Romë, për t’iu nënshtruar një operacioni në bark. Vatikani zyrtar tha se Papa do të qëndrojë në spital për disa ditë.

E quajtur teknikisht një laparotomi, procedura e së mërkurës përfshin anestezi të përgjithshme dhe synon të riparojë një hernie që Vatikani tha se po shkaktonte simptoma “të përsëritura, të dhimbshme dhe përkeqësuese”.

Sipas burimeve në spital, intervenimi është pothuajse i njëjtë me atë që Papa e përjetoi në vitin 2021, kur iu desh të hiqte gjysmën e zorrës së tij të trashë, raporton CNN, përcjell Klankosova.

Papa u detyrua të anulonte disa angazhime pune në fund të majit pasi u dobësua nga ethet. Ai gjithashtu u shtrua në spital në mars për bronkit, por iu përgjigj mirë antibiotikëve.

Zëdhënësi i Vatikanit, Matteo Bruni, shtoi se Papa pritej të bënte një “rimëkëmbje të plotë funksionale”.

Përveç operacionit të tij në zorrën e trashë dy vjet më parë, Françeskut iu hoq një pjesë e një mushkërie pas një periudhe të rëndë pneumonie kur ishte i ri. Kohët e fundit, në vitin 2019, ai iu nënshtrua një operacioni okular në Klinikën e Romës për të trajtuar një katarakt. Ai gjithashtu ka luftuar me dhimbjet kronike të nervit shiatik.

Gjatë vitit të kaluar, ai përjetoi probleme në gju, të cilat e kanë kufizuar kryesisht në përdorimin e një bastuni ose një karrige me rrota.