Anëtari i Këshillit të Përgjithshëm të LDK-së, Muhamet Hamiti ka folur lidhur me qëndrimin e Qeverisë Kurti karshi dialogut me Serbinë si dhe raportet e kësaj qeverie me Shtetet e Bashkuara të Amerikës.
I ftuar në “InDoks” Hamiti theksoi se Kurti duhet të ketë kujdes të mos i rrezikojë marrëdhëniet e Kosovës me ShBA-të.
Ai ftoi Qeverinë Kurti që të respektojë marrëveshjet e arritura në Washington nga Qeveria Hoti.
“Është ky kryeministër që në vitin e kaluar që drejtonte qeverinë në bashkëpunim me LDK, rrezikoi marrëdhënie e Kosovës me SHBA-të tash po kjo qeveri po thotë se marrëveshja e Washtingtonit, zotimet Washingtonit çka do apo sido që ta kualifikoni ato dokumente, ato zotime, ato ujdi janë të pavlera, të paktën kështu ka thënë zëdhënësi i qeverisë – tash ju keni presidentin Biden, Shtëpinë e Bardhë nën drejtimin e zotëri Biden, që thotë se e respekton këtë marrëveshje dhe madje po punon për zbatimin e saj, për aq sa është në dorën e kësaj administrate me fjale të tjera administrate e re amerikane vazhdon të respektojë marrëveshjen e arritur nga administrate më e hershme”, tha Hamiti në InDoks.
Hamiti u shpreh se Kurti duhet ta kuptojë që partneriteti me SHBA-të nuk mund të ndërrojë sa herë ndërron qeveria.
“Kemi njëfarë përshtypje se kjo qeveri mendon dhe sidomos kryeministri Kurti se gjithçka fillon me ta – një vend si Kosova, një shtet duhet të bëhet një partner i përgjegjshëm nëse do të jetë pjesë e sistemit ndërkombëtarë dhe nuk mund të ndërrojë ky partneritet sa herë të ndërrojë qeveria, kjo do të ishte absurditet dhe natyrisht gjë shumë e rrezikshme për ekzistencën e shtetit tonë”, ka thënë ai.
Më poshtë gjeni emisionin e plotë “100 ditë i vetëm në Fron”