Kryetari i Mitrovicës së Jugut, Agim Bahtiri i cili është në balotazh për të marrë edhe një mandat në krye të komunës, ka vendosur që të organizojë një ndejë me rininë e këtij qyteti, duke ua sjellë në një koncert emrin më të njohur të muzikës hip-hop të momentit.
Koncerti që Bahtiri e ka quajtur “party i fitores” do të mbahet të mërkurën në orën 20:00 në Shtëpinë e Kulturës në Mitrovicë.
“Ftohen RINIA e Mitrovicës që nesër në ora 20:00 në Shtëpinë e Kulturës të marrin pjesë në “PARTY me LEDRI VULA”. Ta nisim së bashku festën e fitores me rininë e mrekullueshme të Mitrovicës”, ka shkruar Bahtiri teksa ka shpërndarë fotografinë në profilin e tij në Facebook.
https://www.facebook.com/Agim.Bahtirii/photos/a.270853443259175.1073741833.246810508996802/552459611765222/?type=3&theater