Kryetari i Partisë Socialdemokrate, Dardan Molliqaj, tha se është arrestuar aktivistja e PSD-së Donjeta Demolli.

Arrestimi i saj vjen pasi sot PSD ia ka ndërprerë fjalën kryeministrit të Kosovës, Albin Kurti.

Aty u panë pankarta me shkrime “pe don Zajednicën” si dhe “po e don pushtetin”

Molliqaj përmes një postimi në “Facebook” kërkoi lirimin e aktivistes.

“Pushtetit i Albin Kurtit, që Kosovës po ia sjell Zajednicën, po i pengon një parullë që e tregon të vërtetën për të. Po i pengon zëri i tij kur dikur e mohonte këtë Zajednicë. Po i pengon vetja kur shihet në pasqyrë! Por Albin Kurti e di më mirë se kushdo: nuk mund të ketë qetësi e normalitet, me Zajednicën që po ia sjell Kosovës. E mbase kjo po i pengon më së shumti. Kërkojmë menjëherë lirimin e aktivistes së PSD-së Donjeta Demolli”, ka shkruar Molliqaj