Sekretari i Partisë Demokratike të Kosovës, Betim Gjoshi i ka reaguar ashpër këshilltarit të Albin Kurtit, Elvis Hoxha i cili në orët e paradites deklaroi se “greva ka për shef anëtarin e partisë serbe”, duke aluduar në kreun e SBASHK-ut, Rrahman Jasharaj, shkruan Insajderi.

Gjoshi ka shkruar se “Kush e ka gënjyer Elvis Hoxhën që grevat e punëtorëve është duke i organizuar Faruk Mujka, nënkryetari i Këshillit të Përgjithshëm të VV-së dhe ish-anëtar i kryesisë lokale të JUL-it, partisë së Mira Markoviq-Milosheviqit?”.

Ai ka përmendur se grevat po i organizon Rrahman Jasharaj, i rrahur shumë herë nga Policia serbe sepse ai organizimin sindikal nuk e ka nisur sivjet, apo prej kur Albini u bë kryeministër, por qe 30 e kusur vjet.

Mes tjerash ai është shprehur se partiotizmin Hoxha e ka zbuluar pas internetit.

“Për më keq, Albin Kurti tha që nuk i paguan punëtorët grevistë sepse nuk po punojnë gjatë grevës. Por, Albin Kurti ka pare me pagu si “keshilltarë” fashista gojëfëlliqur si Elvis frikacaku, ky “patriot” i pasluftës”, shkruan ai në Facebook.