Kryetari i PDK-së, Kadri Veseli, ai i Prishtinës, Shpend Ahmeti dhe avokati i Popullit Hilmi Jashari, janë në listën për kontrollin e plotë të pasurisë së zyrtarëve të lartë publikë nga Agjencioni Kundër Korrupsion.

Nga 4908 zyrtarë të lartë publik  që e kanë deklaruar pasurinë në AKK, 850  do t`i nënshtrohen kushtit për hetimin e plotë të pasurisë së tyre.

Drejtori i AKK-së, Shaip Havolli, ka thënë se nga 4 998 zyrtarë që janë të detyruar të deklarojnë pasurinë, 72 prej tyre nuk e kanë bërë një gjë të tillë.

Ndërsa bëri të ditur se kanë hetuar 110 raste, ku 30 prej tyre i kanë dërguar në prokurori. /Insajderi.com