Përfaqësuesit diplomatikë të shteteve të QUINT-it dhe zyrës së BE-së në Kosovë janë pritur në takim nga Ministri i Administratës dhe Pushtetit Lokal, Elbert Krasniqi. Në këtë takim është diskutuar për zhvillimet e fundit në vend dhe iniciativat e grupeve nismëtare në komunat e Mitrovicës së Veriut, Leposaviqit, Zubin Potokut dhe Zveçanit, shkruan Insajderi.

Krasniqi ka thënë se si ministri mbesin të përkushtuar që të ndërmarrin të gjitha veprimet e nevojshëm që vullneti i qytetarëve të realizohet bazuar në udhëzimin administrativ.

“Me përfaqësuesit diplomatikë të shteteve të QUINT-it dhe zyrës së BE-së në Kosovë diskutuam për zhvillimet e fundit në vend dhe iniciativat e grupeve nismëtare në komunat e Mitrovicës së Veriut, Leposaviqit, Zubin Potokut dhe Zveçanit”, shkruan Krasniqi.