Një banesë në ndërtesë kolektive është përfshirë sot nga zjarri në Ferizaj.

Nuk raportohet për të lënduar, kështu konfirmon për Insajderin Kanun Veseli, zëdhënës i Policisë Rajonale të Ferizajt.

“Sot, rreth orës 08:26 kemi pranuar një informatë, se në një rrugicë në afërsi të rrugës ‘12 Qershori’ në Ferizaj, një banesë në katin e II-të të një ndërtese kolektive është kapluar nga zjarri”, ka thënë Veseli.

Ai tutje ka bërë të ditur se ekipet e policisë dhe zjarrfikësit menjëherë kanë dalë në vendin e ngjarjes, ndërsa zjarrfikësit kanë arritur që të lokalizojnë zjarrin.

“Nuk raportohet për të lënduar. Njësia e hetimeve gjithashtu ka dalë në vendin e ngjarjes për hetim”, ka shtuar Veseli.