Në Gjykatën Themelore në Prishtinë ka përfunduar seanca dëgjimore ndaj të dyshuarit të pestë Sh.K, lidhur me dhunimin e 11-vjeçares në Prishtinë.

Lajmin për Insajderin e ka konfirmuar Mirlinda Gashi, zëdhënëse në Gjykatën Themelore në Prishtinë.

“Seanca ka përfunduar që 10 minuta, pritet të merret vendimi…”, tha Gashi për Insajderin.

Shkëlqim Kameri dyshohet se së bashku me Ekrem Rexhepin dhe tre të miturit G.R., Xh.S. dhe G.J., një nga të cilët është vëllai i Rexhepit kanë dhunuar për shtatë orë 11 vjeçaren në Prishtinë.

I dyshuari Shkëlqim Kameri, u dorëzua dje në polici nga babai i tij.