Një përleshje fizike ka ndodhur dje mes dy nxënëseve të gjimnazit Cambridge School në Pejë, pronë e Jakup Beqajt, babait të ish-ministrit të Inovacionit dhe Ndërmarrësisë, Besim Beqaj. Gjatë incidentit është përdorur edhe armë e ftohët, thikë. Prindër të shqetësuar, të cilët fëmijët i kanë në këtë shkollë, rastin e kanë raportuar në redaksinë e Gazetës Insajderi. Qysh mbrëmë, Insajderi ka kontaktuar zëdhënësin e Policisë në Pejë, Fadil Gashin për të kuptuar detajet e rastit, por i njëjti ka thënë se nuk ka ndonjë raportim të tillë. Ndërsa, gjatë të martës, nuk e ka hapur fare telefonin. As në raportin 24 orësh, nuk përmendet ky rast.

Gazeta Insajderi ju sjell detajet e rastit.

Rasti ka ndodhur të hënën, rreth orës 12:00, gjatë kohës së drekës derisa nxënësit ndodheshin në kuzhinë duke ngrënë bukë. Pas fjalosjes verbale, situata ka esklauar dhe njërin nga ta e ka therur tjetrin me thikë prapa këmbës, siç mëson Insajderi.

Me të ndodhur rasti, njëri nxënës ka pranuar tretman mjekësorë e aktualisht ndodhet në Spitalin e Pejës teksa tjetri ka ikur nga vendi i ngjarjes.

I dyshuari ka arritur të arrestohet mbrëmë rreth orës 17:00 nga zyrtarët e policisë.

Burime të Gazetës Insajderi bëjnë më dije se të përfshirë në përleshja anë dy djemtë e familjes Ibishi dhe Ahmetaj nga Peja.

Një prind i tha Insajderi se sot fëmiu i tij nuk ka shkuar fare në shkollë për shkak traumës që ka përjetuar.

“Fëmiu ka ardhë në shtëpi i shokuar, më ka thënë babi unë nuk shkojë nesër në shkollë se jam ka tutna”, i tha ky prind Insajderi.

Ndërkohë, Gazeta Insajderi ka provuar të marrë një përgjigje edhe nga drejtori i shkollës Cambridge e përgjegjës të tjerë, por të njëjtit kanë refuzuar të japin një variant të rastit.

I kontaktuar nga Insajderi, Mustafë Kadrijaj përgjegjës i shkollës me të kuptuar se po pyetet për rastin e ka ndalur telefonin.

Deri në këtë moment, nga kjo shkollë nuk kanë kthyer asnjë përgjigje se si ka ndodhur rast dhe se a kanë marrë ndonjë masë.