Një përleshje masive ka shpërthyer mes mysafirëve dhe stafit në një hotel turk, ku të dyja palët hodhën karrige dhe goditën njëra-tjetrën, tregojnë pamjet tronditëse.

Sipas mediave britanike, përcjell Telegrafi, përleshja dyshohet se ka ndodhur në fund të muajit të kaluar (31 korrik) në hotelin Mirage World në İçmeler, Turqi dhe thuhet se ka përfshirë pushues britanikë.

Pamjet tronditëse tregojnë pushuesit në një përleshje masive me stafin e hotelit pasi një kamerier dyshohet se ka goditur me shuplakë një të ri.

Sipas postimeve në internet, të ftuarit pretenduan se kishte një mosmarrëveshje midis një britaniku dhe një anëtari të stafit, gjë që çoi në fillimin e një sherri.

Kjo më pas çoi në një reagim të disa punonjësve të hotelit që sulmuan anglezin – me një prej të cilëve edhe një karrige drejt tij.