Sot janë bërë 16 ditë që kur 23 vjeçarja, Elza Ujkani po trajtohen në Mjekimin Intenziv Qendror të QKUK-së, për shkak të lëndimeve që mori nga rënia e kulmit të objektit të ri të Komunës së Prishtinës. Për gjendjen e saj sot për Insajderin është deklaruar Shefi i MIQ-it, Shaqir Uka.

Uka konfirmoi për Insajderin se gjendja e saj është më stabile dhe se është liruar nga aparaturat e frymëmarrjes.

“Po është e vërtete që ajo është liruar nga aparaturat mjekësore të frymëmarrjes. Gjendja e saj është realitivisht sabile. E njëjta po vazhdon trajtimin në Mjekimin Intensiv dhe do të vazhdojë të qëndrojë dhe monitorohet nga ne”, tha Uka.

Ndryshe, 23-vjeçarja është motra e deputetes së Lëvizjes Vetëvendosje, Fjolla Ujkani.

Rasti kishte ndodhur më 18 janar. Ajo, fillimisht u trajtua në Qendrën Emergjente në QKUK, pastaj u dërgua në Mjekimin Intensiv për të vazhduar trajtimin.

Theksojmë se Prokuroria e Shtetit ka ndaluar dy persona në lidhje me rënien e çatisë në Komunën e Prishtinës. Bekim Baftjaraj nga kompania “NBT ING” SH.P.K. dhe Ylber Jashari, zyrtar i Komunës së Prishtinës, janë dy personat e dyshuar nga Prokuroria për rastin e rënies së kulmit nga objekti i ri i Komunës së Prishtinës, ku mbeti e lënduar rëndë një 23 vjeçarja dhe u dëmtuan disa vetura të parkuara.

/Insajderi

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur