Dardan Molliqaj, Nol Nushi, Agron Kabashi, Zgjim Hyseni, Gent Ibrahimi dhe Korab Korça janë aktivistët e Partisë Socialdemokrate që u arrestuan nga Policia e Kosovës, pas protestës e cila po vazhdon të zhvillohet pranë hotelit ku ndodhet kryetarja e Dhomave të Specializuara, Ektarina Trendafilova.
Protestuesit kanë hedhur gaz-lotsjellës pranë “Hotel Sirius” në Prishtinë, aty ku po mbahet protesta.
Protesta e paralajmëruar nga PSD-ja dhe veteranët e OVL-UÇK’së ka eskaluar në dhunë.
Kjo, pasi që protestuesit kanë hedhur gazlotsjellës në rrugën “Agim Ramadani”.
Ndërkohë takimi i paraparë me përfaqësues të shoqërisë civile e kryetaren Trendafilova nuk ka nisur ende.