×
  • Lajme
  • Lajme / Kosovë

    Petkoviq: Stili negociator i Bislimit po e frenon normalizimin

    Insajderi
    09 September 2023 - 14:22
    Klikoni Këtu për t'u bërë pjesë e kanalit zyrtar të Gazetës Insajderi në Viber.

    Kryenegociatori i Serbisë në dialogun Kosovë-Serbi, Petar Petkoviq, ka reaguar pas intervistës se sotme të Bislimit dhënë për gazetën serbe “Danas”. Petkoviq tha se Bislimi dha deklarata “të rrejshme” aty.

    Petkoviq ka bërë një pretendim të çuditshëm mbi atë se pse s’po përparon procesi i lehtësuar nga Brukseli.

    Ai thotë se fajtor për këtë është “stili negociator” i kryenegociatorit të Kosovës, Besnik Bislimi.

    “Është negociatori kryesor për Prishtinën, Besnik Bislimi, në pritje të raundit të ri të dialogut ndërmjet Beogradit dhe Prishtinës, ka thënë një sërë të pavërtetave më të rënda, të cilat janë stili i tij negociues dhe një nga arsyet pse procesi i normalizimit të marrëdhënieve po ngec apo po ka regres vazhdimisht”, ishte pretendimi i Petkoviqit.

    Ai vazhdoi propagandën se institucionet e Kosovës kanë për qëllim dëbimin e serbëve nga Kosova. Këtu ai komentoi deklaratat e Bislimit se Beogradi po pengon integrimin e serbëve në Kosovë.

    “Bislimi flet për dëshirën e Prishtinës për t’i ‘integruar’ serbët në Kosovë, por në fakt e vetmja gjë që ata duan është që t’i marrin pronat e serbëve dhe Serbisë dhe pas dëbimit të popullit serb, të integrojnë territorin serb të zbrazur dhe të pastër etnikisht”

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark