Zyrtarja e PSD’së, Natyre Kuçi ka thënë se ‘nuk ka vend për shqetësim’, pasi që sot pritet nga Komisioni Qendror i Zgjedhjeve që të shqyrtohet rekomandimi për pezullimin e Partisë Socialdemokrate.
Kuçi tha për Insajderin se çështja e rekomandimit të pezullimit të kësaj partie ka të bëjë me disa procedura teknike që sipas saj do të rregullohen në afat prej 45 ditësh.
“ Ka te beje me disa procedura teknike te cilat gjate afatit 45 ditësh do t’i rregullojmë. Nuk ka vend për shqetësim. Ne janar PSD do ta mbaje Kuvendin e saj, sipas afatit te rregullt dhe te monitoruar nga KQZ. Për afatet dhe detajet qe lidhen me mbledhjen e Kuvendit do te njoftoheni me kohe. “, ka thënë Kuçi për Insajderin.